R. Sadikaj, nëna e 12-vjeçarit Leo Sadikaj, i cili ndërroi jetë në QSUT pak ditë më parë, do të hetohet nga prokuroria në gjendje të lirë, pasi është kallëzuar nga një mjeke. Mjekja pretendon se Sadikaj e ka dhunuar, duke akuzuar atë për neglizhencë në mjekimin e djalit të saj.
"Specialistët për Hetimin e Krimeve të Komisariatit të Policisë Nr. 4 referuan materialet në Prokurori për shtetasen R. S., 44 vjeçe, për veprën penale “Goditje për shkak të detyrës”. Kjo pas kallëzimit të shtetases J. B., mjeke në Spitalin Pediatrik, e cila ka raportuar se 44-vjeçarja ka ushtruar dhunë fizike ndaj saj në ambientet e spitalit, duke e akuzuar për neglizhimin e mjekimit të djalit 12-vjeçar të shtetases R. S., i cili ka humbur jetën më datë 08.01.2025 në këtë spital", njoftoi policia.
Ndërkohë, nëna e 12-vjeçarit që ka ndërruar jetë kërkon drejtësi.
