5 shtetasit amerikanë dëshmitarë në procesin ndaj Mediut do të pyeten nga FBI me praninë e një avokati amerikan që do të përfaqësojë Fatmir Mediu. GJKKO përcaktoi mënyrën e marrjes në pyetje dhe kësisoj ra kërkesa e që kishin bërë avokatët e Mediut që dëshmitarët të pyeteshin përmes videokonferencës. Ndërsa seanca u shty për në datën 15 maj.
Në procesin e sotëm ndaj ish ministrit të Mbrojtjes Fatmir Mediu avokatët kerkuan që 5 dëshmitarët shtetas amerikanë të pyeten përmes videokonferencës, pasi kjo i shërben zbardhjes të së vërtetës. Nëse kjo nuk bëhet e mundur të caktohet dhe të jetë prezent një avokat që të përfaqësojë interesat e Mediut.
Prokurorët e SPAK shprehën dakordësinë nëse bëhet e mundur pyetja e dëshmitarëve me videokonferencë dhe nëse është e ligjshme. Ndërkohë autoritetet amerikane kanë kthyer përgjigje që pyetja e tyre mund të bëhet nga agjetët e FBI.
Në të kundërt, avokatët i kërkuan gjykatës të autorizojë prezencën e gjeneral major Andrey Turley, avokat penalist, si përfaqëdues i Mediut gjatë ekzekutimit të letër porosisë. Mbrojtësit kërkuan edhe mundësinë e autorizimit për prezencën e njërit prej tyre.
Mediu mbrohet nga Ardian Visha dhe Henrik Ligori. Ish ministri i mbrojtes akuzohet për tragjëdine e Gërdecit me 26 të vrarë e qindra të plagosur.
