Gjykata e Posaçme refuzon marrëveshjen për pranimin e fajësisë mes SPAK dhe ish-kryebashkiakut të komanduar të Kukësit, Granit Gjana.
Ish zyrtari dhe SPAK kishin rënë dakort për marrëveshje lidhur me pranimin e fajësisë.Marrëveshja parashikonte dënimin e Gjanës me 1 vit e 6 muaj burgim dhe konvertimin në 3 vite shërbim prove dhe si masë plotësuese heqjen e të drejtës për të ushtruar funksione publike për një afat 5 vjeçar.
Gjana akuzohet për dy procedura tenderimi dhe në kuadër të hetimit ishte pyetur edhe ish kryebashkiaku Safet Gjici i cili ndodhet në burg pas skandalit seksual. Safet Gjici shprehej në deshmi se për shkak të kohës të gjatë që kishte kaluar nuk kujtonte detaje. Po ashtu një pjesë të mire të kompetencave të tij si kryetar bashkie, ai i kishte deleguar tek nënkryetarët e bashkisë.
Në lidhje me Gjanën, GJKKO urdhëroi kthimin e dosjes për hetim të mëtejshëm në SPAK.
