GJKKO i komunikoi masën e sigurisë “arrest me burg” Eralbi Brecanit, djalit të ish-zyrtarit të lartë të policisë, Erzen Brecani. Ai doli para gjykatës, dy ditë pasi u ekstradua nga Spanja ku më herët është vetëdorëzuar. Eralbi Brecani akuzohet për trafik kokaine dhe grup të strukturuar kriminal. Grupi dyshohet se drejtohet nga kunati i tij, Ervin Mata i njohur si “boli i kokainës”. Mata është arrestuar në Brazil, ndërsa bashkëpunonte me Ergys Dashin që u ekzekutua në Ekuador.
