Arrestohet në Belgjikë, Gerd Gjinarari alias Gert Gjenerali. Ai ishte në kërkim ndërkombëtar për shkak se është dënuar me burg të përjetshëm nga drejtësia italiane për vrasjen e Naim Zyberit, në një spital në Milano, në shenjë hakmarrjeje për vrasjen e Artur Grorit.
Hetimet zbuluan se Gjinarari, së bashku me Arben Grorin, vëllai i Artur Grorit, hynë në dhomën e spitalit dhe e qëlluan për vdekje Zyberin. Armën e krimit ata e kishin fshehur në një tufë me lule.
Pas dënimit nga gjykata italiane, Gjinarari u ekstradua në vitin 2014 drejt Shqipërisë. Në vitin 2019, gjykata e liroi me kusht. Më vonë, dënimi u rrëzua nga Apeli dhe Gjinarari u rishpall në kërkim.
