Gjykata e Posaçme e Shkallës së Parë për Korrupsionin dhe Krimin e Organizuar (GJKKO) ka dënuar ish-prefektin dhe ish-nënkryetarin e Bashkisë Kukës, Granit Gjana, me 2 vite shërbim prove. Gjana akuzohet për shkelje të ligjit mbi barazinë në tendera në dy raste të ndryshme.
Sipas aktakuzës, Gjana dyshohet se ka interferuar në procesin e prokurimeve publike, duke favorizuar palë të caktuara, çka përbën shkelje të ligjit për tenderat dhe konkurrencën e ndershme.
Prokuroria e Posaçme (SPAK) kërkoi një dënim prej 1 vit e 6 muaj burg për të. Megjithatë, për shkak të procedurës së gjykimit të shkurtuar, Gjana ka përfituar ulje të dënimit, duke e reduktuar atë në 1 vit burg. Sidoqoftë, SPAK kishte kërkuar që ky dënim të konvertohej në 2 vite shërbim prove, kërkesë që u pranua nga gjykata.
