Një ditë më parë kryeministri Edi Rama dhe ministrja Ogerta Manastirliu inspektuan nisjen e punimeve për rikonstruksionin e godinës së Gjeologjikut. Një rikonstruksion prej miliona eurosh, ku premtohet ngritja e laboratorëve, rrjeti IT dhe shumë specifika të tjera. Ndërkohë që nga një verifikim i VNA rezulton se studentët kanë braktisur këtë fakultet. Konkretisht shifrat e regjistrimeve për vitin akademik 2024- 2025 Tek Gjeologjiku: Inxhinieri e Burimeve Minerare 2 te regjistruar Inxhinieri e Naftes dhe Gazit 15 te regjistruar Inxhinieri Gjeoinformatike 13 te regjistruar Inxhinieri Gjeologjike 5 te regjistruar Inxhinieri Gjeomjedis 5 te regjistruar Totali i studentëve Fakulteti i Gjeologji Minierave: 40 të regjistruar. Sot, një tjetër godinë do ketë fatin e rikonstruksionit. Konkretisht, në kantierin e Kampusit të Ri të Akademisë së Forcave së Armatosura, një investim i shtrirë në një hapësirë prej 10 hektarësh, konceptuar sipas modelit të akademisë prestigjioze amerikane të West Point. Sipas specifikave teknike kampusi i konsideruar sipas standardeve më të larta të NATO-s, Kampusi i Ri do të ofrojë gjithçka bashkëkohore që nga godina mësimore, konvikti, qendra shëndetësore, kinemaja, palestra, pishina e mbyllur, terrenet sportive dhe ato të stërvitjes ushtarake në natyrë, si poligonet, pista e vrapit, kulla e alpinizmit, etj. Madje, thuhet se akademia e re do të ketë si fillim 300 studentë dhe degë të reja, përfshirë dhe inteligjencën artificiale, ku do të ketë diploma të përbashkëta me Universitetin Politeknik në degë të caktuara, por dhe binjakëzime me Akademitë e vendeve aleate të NATO-s. Nga verifikimet e VNA rezulton se ndër vite Akademia e Forcave të Armatosura (AFA) në Shqipëri ka planifikuar 60 studentë në programin e studimeve në fushën e Shkencës Ushtarake.
