Një efektiv i Forcës së Posaçme “Shqiponja” u vra ditën e sotme në Baltëz të Fierit. Viktima Novruz Cenalia ishte nisur për të marrë shërbimin në Drejtorinë e Policisë së Fierit, ku né afërsi të spitalit Memorial Fier, u qëllua për vdekje.
Autoi i dyshuar Asllan (Azgan) Mernica, është në kërkim.
NJOFTIMI I POLICISË
Rreth orës 13:15, në fshatin Baltëz, dyshohet se gjatë një konflikti të çastit, shtetasi A. M. ka vrarë me armë zjarri shtetasin Novruz Cenalia, punonjës policie i Forcës së Posaçme “Shqiponja” të DVP Fier, jashtë shërbimi, por i veshur me uniformën e Policisë, pasi shkonte për të marrë shërbimin.
Menjëherë në vendngjarje janë nisur shërbimet e Policisë, Forca Kombëtare e Sigurisë, Reparti Special “RENEA”, të cilat kanë rrethuar zonën dhe vijojnë punën për kapjen e autorit.
Grupi hetimor dhe drejtues të Departamentit të Policisë Kriminale, në drejtimin e Prokurorisë, po punojnë për sqarimin e rrethanave dhe për dokumentimin ligjor të kësaj ngjarjeje.
