Eurojust ka reaguar për aksionin e fundit të realizuar nga SPAK që çoi në arrestimin e dhjetë anëtarëve të dyshuar të një rrjeti ndërkombëtar trafiku droge. Aksioni i realizuar gjatë fundjavës, përveç arrestimeve çoi në sekuestrimin e një laboratori të sofistikuar për përpunimin e kokainës në fshatin Qerekë të Fushë Krujës.
Ky operacion është pjesë e një hetimi të mëparshëm të SPAK-ut, që ka zbuluar se rrjeti i krimit të organizuar ishte i përfshirë në trafikimin e kokainës nga Amerika Latine përmes Italisë në Shqipëri, dhe nga aty në disa shtete të tjera evropiane. Eurojust ka ndihmuar në koordinimin e kërkesave për ndihmë të ndërsjellë ligjore ndërkombëtare, duke mundësuar bashkëpunimin mes autoriteteve shqiptare dhe italiane për realizimin e këtij operacioni.
Reagimi i plotë i Eurojust:
Autoritetet shqiptare arrestuan dhjetë anëtarë të dyshuar të një rrjeti trafiku droge gjatë fundjavës në një operacion të mbështetur nga Eurojust. Po ashtu, u sekuestrua një laborator i sofistikuar për përpunimin e kokainës në Shqipëri. Anëtarët e grupit të krimit të organizuar shqiptar (OCG) ishin të përfshirë në transportimin e kokainës nga Amerika Latine përmes Italisë në Shqipëri, nga ku ajo trafikohej në disa shtete të tjera evropiane.
Në vitin 2023, Prokuroria e Posaçme Kundër Krimit të Organizuar (SPAK) nisi një hetim ndaj këtij rrjeti. Ky hetim zbuloj se rrjeti ishte i përfshirë në trafikimin e drogës në shkallë të gjerë nga Amerika Latine përmes porteve evropiane, me Shqipërinë si një portë hyrëse në tregun më të gjerë të drogës evropiane. Laboratori i sekuestruar po përpunonte dhe rafinonte droga për shitje në shumicë tek OCG të tjera nëpër Evropë. Aktualisht, po bëhet një vlerësim i volumin total të trafikimit të drogës dhe vlerës së shumicës.
Përveç laboratorit, u sekuestruan edhe këto sende:
Gati 50 tonë lëndë të papërpunuara për të fshehur narkotikë
Mbi 6 kg kokainë
Pothuajse 90 kg materiale të ngurta për përzierjen e drogës dhe 50 kg lëngje për përgatitjen e kokainës për shitje në shumicë
Pajisje laboratorike, si shtypëse, aceton, tubat e provës prej gome, materiale kimike, mikrovala dhe çanta paketimi
Mbi 50,000 euro në cash në valuta të ndryshme
Kartela bankare dhe telefonike, si dhe pajisje të ndryshme komunikimi celular
Gjashtë mjete transporti
Eurojust asistoi SPAK dhe autoritetet në Reggio Calabria për realizimin e kërkesave për Ndihmë të Ndërsjellë Ligjore nga Shqipëria në Itali. Kjo u realizua përmes Desk-ut Kombëtar për Italinë dhe Prokurorit të Lidhur Shqiptar pranë Agjencisë. Shqipëria është një nga dymbëdhjetë shtetet jashtë Bashkimit Evropian që ka një Prokuror të Lidhur pranë Eurojust në Hagë.
Operacioni i fundjavës së kaluar u realizua nga dhe në kërkesë të:
