- Arrestohet 36 vjeçari, tentoi të fuste 310 mijë euro ilegalisht në Shqipëri
Brenda pak ditësh është goditur rasti i dytë i futjes ilegalisht të mijërave eurove në Muriqan në pikën kufitare me Malin e Zi. Sot Policia ka njoftuar se është finalizuar operacioni policor i koduar “Zinxhiri”, për goditjen e një rasti të mosdeklarimit të parave që dyshohet janë përfituar nga veprimtaritë kriminale. Për këtë rast u arrestua shtetasi Fadil Halmusaj, 36 vjeç, banues në Kryemadh, dhe nisi procedimi në gjendje të lirë për shtetasin P. M., 35 vjeç, banues në Lezhë. Gjatë operacionit, bazuar në informacionet e siguruara nga inteligjenca policore, shërbimet e Policisë kanë kaluar për kontroll në vijën e dytë, automjetin tip “Mercedez Benz” me drejtues shtetasin F. H. dhe pasagjer shtetasin P. M. Në dy hapësira të modifikuara (në pjesën e tavanit dhe të bagazhit të automjetit), u gjetën 331 000 euro, që këta shtetas po tentonin t’i futnin ilegalisht në Shqipëri. Shuma e parave u sekuestrua në cilësinë e provës materiale, bashkë me automjetin dhe 2 celularë. Vijojnë hetimet për të provuar burimin e parave. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme. Ndërkohë që ditën e premte është goditur Ky është Plot 680 mijë e 595 euro janë tentuar të futen në Shqipëri nga Muriqani, pika kufitare me Malin e Zi. Paratë të cilat dyshohen se rrjedhin nga krimi janë tentuar të futen të fshehura në 2 hapësira të modifikuara në dyert e pasme të një furgoni që drejtohej nga një 51 vjeçar nga Fushë Miloti.
