Kombëtarja shqiptare e futbollit është gati për dy sfidat e fundit dhe më të rëndësishme të fazës kualifikuese të Botërorit 2026, që do të vendosin fatin e kuqezinjve për një biletë në fazën play-off.
Shqipëria do të përballet më 13 nëntor me Andorrën në transfertë, ndërsa më 16 nëntor do të presë Anglinë në stadiumin “Air Albania” në Tiranë.
Trajneri Sylvinho ka zbuluar listën e lojtarëve të grumbulluar, ku nuk mungojnë rikthimet dhe surprizat.
Rikthime dhe mungesa
Ardian Ismajli rikthehet në mbrojtje pas mungesës në tetor për shkak dëmtimi.
Mungesa më e madhe është Marash Kumbulla, i cili edhe pse ka nisur stërvitje me Mallorcën, nuk ka arritur të rikuperohet në kohë për dy sfidat vendimtare.
Skenarët kualifikues
Shqipëria mund të sigurojë play-off-in nëse: fiton ndaj Andorrës dhe Anglia mposht Serbinë po atë ditë në “Wembley”.
Grumbullimi i ekipit nis të hënën, më 10 nëntor, në Barcelonë, ku skuadra do të përgatisë ndeshjen e parë ndaj Andorrës.
Ndjekja e ndeshjeve
Dy përballjet vendimtare do të transmetohen drejtpërdrejt në DigitAlb, me interesin e jashtëzakonshëm të tifozëve shqiptarë që pritet të shoqërojë ekipin drejt ëndrrës së madhe.
Lista e plotë e të grumbulluarve
Portierë:
Thomas Strakosha, Mario Dajsinani, Simon Simoni
Mbrojtës:
Elseid Hysaj, Ivan Balliu, Mario Mitaj, Naser Aliji, Ardian Ismajli, Berat Gjimshiti, Arlind Ajeti, Klisman Cake
Mesfushorë:
Ylber Ramadani, Juljan Shehu, Kristjan Asllani, Medon Berisha, Qazim Laçi, Adrion Pajaziti, Nedim Bajrami, Arbër Hoxha, Jasir Asani
Sulmues:
Armando Broja, Myrto Uzuni, Rey Manaj, Mirlind Daku, Indrit Tuci
