Kuvendi i Shqipërisë ka rrëzuar me 77 vota kërkesën e Partisë Demokratike për ngritjen e një Komisioni Hetimor parlamentar me qëllim shqyrtimin e procedurës për shkarkimin e Presidentit të Republikës, Bajram Begaj.
Ky vendim shënon ndërprerjen e procedurës për shkarkimin e Presidentit, pasi sipas rregullores parlamentare, mungesa e miratimit për ngritjen e komisionit hetimor e bën të pamundur vijimin e hetimit parlamentar.
Opozita kishte kërkuar ngritjen e komisionit me argumentin se Presidenti Begaj kishte shkelur Kushtetutën në ushtrimin e kompetencave të tij. Megjithatë, shumica parlamentare nuk e ka mbështetur këtë kërkesë, duke e rrëzuar atë në votim.
Me këtë votim, Kuvendi mbyll përfundimisht çështjen e ngritjes së komisionit hetimor dhe procedurën e nisur nga opozita për shkarkimin e Presidentit të Republikës.
