Situata nga zjarret në Lurë vijon të mbetet kritike, ndërsa flakët kanë dalë jashtë kontrollit dhe po rrezikojnë banesa të banuara në zonë.
Mbi 170 forca janë angazhuar në terren që prej orëve të para të mëngjesit për të luftuar flakët. Në operacion janë përfshirë punonjës të Bashkisë Dibër, punonjës të zonave të mbrojtura, forca të ushtrisë dhe efektivë të Policisë.
Ndërkohë, në Lurë kanë mbërritur edhe dy avionë, të cilët po ndërhyjnë nga ajri në përpjekje për të frenuar përhapjen e zjarrit dhe për të mbajtur flakët larg zonave të banuara.
Dyshohet se zjarret mund të jenë të qëllimshme, pasi janë evidentuar disa vatra në zona të ndryshme. Për shkak të situatës së rënduar, që prej ditës së djeshme në zonë ndodhet edhe një ambulancë me staf mjekësor.
Deri më tani raportohet për një person të lënduar si pasojë e asfiksisë nga tymi. Ai ka marrë ndihmën e nevojshme mjekësore në sp
