Mired Reci, djali i tezes së Belinda Ballukut, është një prej personave që i është nënshtruar kontrolleve nga SPAK në kuadër të hetimeve që po kryhen ndaj ish-zv.kryeministres dhe ish-ministres së Infrastrukturës dhe Energjisë.
Referuar të dhënave të Open Data, Reci rezulton ortak me 49% të aksioneve në dy kompani: “XL MARKET” shpk dhe “Hippo Tregu Elektrik” shpk. Ndërsa ortaku tjetër është Meland Qirko, kunati i zv.kryeministres Balluku. Ky i fundit është i martuar me motrën e Ballukut, Pamela Qirko.
Gjatë kontrolleve në shtëpinë e Recit mësohet se janë sekuestruar shumë dokumente dhe i është marrë edhe celulari. Kontrollet janë kryer në disa zyra e banesa. Balluku është duke u hetuar për abuzime me tenderat e rrugëve.
