Pentagoni thërret në takim Ambasadorin e Vatikanit në SHBA, kardinalin Christophe Pierre dhe i kërkon që Kisha Katolike të ulë tonet kritike ndaj politikës së jashtme të qeverisë Trump.
Takimi thuhet se u zhvillua pasi Papa Leo kishte bërë komente kritike për politikën ndërkombëtare dhe për përdorimin e forcës në diplomaci.
Sipas disa burimeve mediatike, zyrtarët amerikanë i dhanë ambasadorit të Vatikanit një kritikë të fortë për qëndrimet e papës. Në disa raportime thuhet se gjatë bisedës u përmend edhe Avignon Papacy, periudha në shekullin XIV kur papët jetonin në Avinjon dhe ishin nën ndikimin e fuqishëm të mbretërisë franceze. Disa në Vatikan e interpretuan këtë si një referencë historike që mund të nënkuptonte presion politik mbi Kishën.
Megjithatë, autoritetet amerikane kanë deklaruar se takimi ishte një bisedë normale diplomatike dhe kanë mohuar pretendimet se ishte bërë ndonjë kërcënim.
Vatikani e ka konsideruar takimin si diplomaci agresive dhe ka njoftuar se ka anuluar vizitën e pritshme të Papës në SHBA. Vizitë që do përkonte me 250 vjetorin e pavarësisë së Shteteve të Bashkuara.
