Ushtria izraelite ka kryer një seri sulmesh të intensifikuara gjatë orëve të fundit në qytetin e Gazës dhe në Khan Younis, ku sipas autoriteteve lokale palestineze janë vrarë të paktën 25 persona.
Sulmet ajrore janë zgjeruar edhe në Libanin jugor, ku burime nga terreni raportojnë për të paktën 14 viktima si pasojë e bombardimeve të mëparshme izraelite në zonë. Sipas Zyrës së Medias së Qeverisë së Gazës, Izraeli ka kryer 393 sulme, të cilat, sipas tyre, përbëjnë shkelje të armëpushimit të fundit. Këto goditje kanë shkaktuar 280 të vrarë dhe 672 të plagosur.
E njëjta zyrë njofton se që prej tetorit 2023, luftimet në Gaza kanë shkaktuar mbi 69,513 të vrarë dhe më shumë se 170,000 të plagosur.
Nga ana tjetër, Izraeli thekson se në sulmet e Hamasit më 7 tetor 2023 janë vrarë 1,139 persona, ndërsa rreth 200 të tjerë janë marrë peng.
