E Enjte , 6 nëntor 2025
Dërgo denoncim anonim
English

EKSKLUZIVE

Më shumë
Kronika 22 Shkurt 2025, 22:44 Nga VNA

Vodhi 7 makina luksoze me vlerë 400 mijë euro, shpallet në kërkim skifteri shqiptar në Greqi. Precedentë edhe në Shqipëri

Ndaje në Whatsapp
Vodhi 7 makina luksoze me vlerë 400 mijë euro, shpallet në

Amarild Muka, 41 vjeç nga Tirana, një emër i njohur për policinë shqiptare prej të paktën 13 vitesh, është shpallur në kërkim nga autoritetet greke për vjedhjen e 7 automjeteve luksoze dhe tentativën për të vjedhur një tjetër.

Sipas policisë greke, Muka, i cili është i regjistruar edhe me emrat Amarildo apo Amrillo, dyshohet se është larguar jashtë shtetit. Vlera e makinave të vjedhura arrin në rreth 400,000 euro.

Hetimet e mbështetura edhe në pamje filmike dhe dëshmi, kanë zbuluar se Muka ka vepruar prej janarit 2022. Ai përdorte dy metoda për të realizuar vjedhjet, merrte çelësat nga vendet ku ishin varur në parkingje private, ose shtirej si i afërm i pronarit të makinës dhe i merrte çelësat me mirëbesim nga rojet e parkingut.

Automjetet e vjedhura:

• 09.01.2022 – Mercedes-Benz C180 (ANP-3736) nga parkingu “Alkiviadou 90 Garage”, pronë e shtetasit grek R. R.

• 02.09.2023 – Porsche Cayenne (IHO-3030), vlerë 50,000 €, nga parkingu “Xentea”, pronë e grekut E. L.

• 20.10.2023 – Mercedes-Benz ML 350 (IMH-9983), vlerë 22,000 €, nga parkingu “Akrokeramos A. E”, pronë e grekut K. Z.

• 25.10.2023 – BMW X5 (BKH-3931), vlerë 80,000 €, nga parkingu “Unitpark”, pronë e grekut A. K.

• 24.12.2023 – Mercedes-Benz (AB777VD) me targa shqiptare, nga parkingu “Parking Safe Monoprosopi I K E”, pronë e shtetasit shqiptar V. Dh.

• 03.02.2024 – Mercedes-Benz (PMB7369) nga parkingu “ParkingLand”, pronë e grekes B. T.

• 23.03.2024 – Lexus (XZA-1182) nga parkingu “Leounakis Xaralampos”, pronë e një kompanie dhe i marrë me qira nga grekja G. X.

• 29.04.2024 – Tentativë për të vjedhur një BMW 316 në parkingun “Akrokeramos A. E”.

Precedentët penalë në Shqipëri

Amarild Muka ka një histori kriminale edhe në Shqipëri:

• Mars 2012 – Arrestuar për vjedhje në bashkëpunim të një ore dore dhe një celulari.

• Maj 2017 – Arrestuar në aksin Mamurras-Laç duke drejtuar një Mercedes-Benz të vjedhur në Tiranë, ku kishte marrë edhe 600 euro dhe 12,000 lekë.

• Nëntor 2017 – Arrestuar në Kamëz me një pistoletë me silenciator pa leje.

Autoritetet greke vijojnë kërkimet për lokalizimin e tij, ndërsa ai dyshohet se është larguar nga Greqia.

Lexo gjithashtu

Video

Zohran Mamdani, kryetari i ri i Nju Jorkut, sfidon Donald Trumpin që në ditën e parë! Në fjalimin e fitores, 34-vjeçari demokrat i drejtoi katër fjalë presidentit: “Turn the volume up!” – një mesazh i fortë për t’i bërë të ditur se qyteti nuk ka ndërmend të heshtë. Mamdani, një socialist demokrat me rrënjë emigrante, premton të përballet me politikat e Trumpit, veçanërisht në fushën e imigracionit dhe kostos së jetesës. Agjenda e tij përfshin ngrirje të qirave, kujdes universal për fëmijët dhe masa të reja për të lehtësuar barrën e qytetarëve. “Nëse ka një mënyrë për të ndalur një despot, është duke shkatërruar kushtet që e ushqejnë pushtetin e tij,” tha ai mes duartrokitjeve të mbështetësve.

Humbja në Nju Jork, reagon presidenti amerikan Donald Trump Rezultatet jo të favorshme për republikanët janë pranuar nga vetë Donald Trump, i cili u takua këtë mëngjes me ligjvënës të partisë konservatore. Një ditë pas zgjedhjes historike të Zohran Mamdani si kryetar bashkie i Nju Jorkut, presidenti amerikan pranoi: “Nuk mendoj se ishte mirë për republikanët.” Trump fajësoi mbylljen e qeverisë për humbjen, duke theksuar se sondazhet tregojnë se publiku ia atribuon fajin më shumë atij dhe republikanëve. Në të njëjtën kohë, ai i bëri thirrje senatorëve republikanë që të shfuqizojnë filibusterin, një procedurë që lejon debate të pafundme në Senat dhe shpesh bllokon miratimin e projektligjeve. “Është koha që republikanët të bëjnë atë që duhet të bëjnë,” tha ai, duke paralajmëruar se përndryshe partia do të mbetet në një pozitë të pafavorshme.

Një situatë e paprecedentë ka ndodhur në Japoni, ku autoritetet qeveritare kanë urdhëruar ushtrinë të dalë në rrugë e armatosur për të menaxhuar një valë sulmesh nga arinjtë. Trupa ushtarake janë dërguar në rajonin malor, pas një apeli urgjent nga autoritetet lokale, të cilat përpiqen të mbrojnë banorët dhe të kontrollojnë situatën. Operacioni ka filluar në qytetin Kazuno, ku banorëve u është këshilluar të shmangin pyjet e dendura, të qëndrojnë brenda pas errësirës dhe të përdorin zile për të trembur arinjtë që afrohen pranë shtëpive. Që nga prilli, më shumë se 100 sulme të arinjve janë raportuar në të gjithë Japoni, duke shkaktuar 12 viktima.

Drejt Europës vetëm me përgjigje. Se pyetjet nuk i kemi qejf këto kohë…

×
❮ ❯

Doni të informoheni të parët për lajme ekskluzive?

Bashkohuni me grupin tonë privat.

Kliko këtu

opinion

Opinionet e shprehura i përkasin autorëve dhe nuk përfaqësojnë qendrimin e redaksisë.

Histori të harruara

Më shumë lajme