SPAK shpalli pretencën për të pandehurit e dosjes së pagëzuar si “Metamorfoza 2”.
Për ish-policin Dedan Gjoni u kërkua dënimi me 13 vite burg, Ismail Zeneli rrezikon dënimin me 15 vjet, Bujar Gërmizi 10 vite burg, Adrian Cenaj 7 vite burg, Besmir Murtati 12 vite burg, ndërsa Albert Prenga 12 vite burg. Të gjithë të pandehurit përfitojnë ulje të një të tretës së dënimit, për shkak të gjykimit të shkurtuar. Ndaj tyre rëndojnë akuzat e trafikimit të drogës dhe pjesëmarrjes në grup kriminal. Grupi kriminal u godit nga SPAK pas zbërthimit të bisedave në Sky ECC. Pjesëtarët e grupit rezultuan të përfshirë në trafikun e kokainës nga Amerika Latine drejt vendeve të BE-së. Bujar Ajeti dhe Besmir Murtati akuzohen se në bashkëpunim me shefin e krimeve të komisariatit nr. 6, Dedan Gjoni, planifikuan vrasjen e dy vëllezërve Albert dhe Edmond Nela, që jetonin në Britaninë e Madhe.
Të pandehurit:
- Dedan Gjoni – 13 vite burgim – me gjykim të shkurtuar: 8 vite e 4 muaj burg
- Ismail Zeneli – 15 vite burgim – me gjykim të shkurtuar: 10 vite burg
- Bujar Gërmizi Ajeti – 10 vite burgim – me gjykim të shkurtuar: 6 vite e 8 muaj burg
- Adrian Cenaj – 7 vite burgim – me gjykim të shkurtuar: 4 vite e 8 muaj burg
- Besmir Murtati – 12 vite burgim – me gjykim të shkurtuar: 8 vite burg
- Albert Prenga – 12 vite burgim – me gjykim të shkurtuar: 8 vite burg
