Ashtu siç njoftoi në konferencën për shtyp, Drejtori i Policisë duket se ka marrë masa ndaj medias pasi i akuzoi për baltosje për lajmin e vrasjes në Pogradec.
Gazetarja, Blerina Gjoka ka ndarë një postim në llogarinë e saj në “Facebook” ku tregon se platforma nuk i ka lejuar gazetarët të postojnë lajmin për Drejtorin e Policisë së Shtetit, Muhamet Rrumbullaku.
Gjoka shkruan se “Facebook” nuk i lejon të postojnë lajmin për Rrumbullakun që sulmon mediat.
Gazetari Isa Myzyraj në komentet e postimit të gazetares, ka publikuar një foto ku tregon se edhe atij i është fshirë postimi në lidhje me Rrumbullakun.
