Në vetëm një ditë, policia e Tiranës ka arrestuar 4 persona të dyshuar për ushtrim dhune në familje.
Tre burra kanë ushtruar dhunë fizike dhe psikologjike ndaj bashkëshorteve të tyre, ndërsa një tjetër ka ushtruar dhunë ndaj vëllait të tij.
Rastet e evidentuara:
Komisariati i Policisë Nr. 3, në bashkëpunim me Komisariatin e Policisë Nr. 4, ka ndaluar shtetasin e shpallur në kërkim, G.H., 48 vjeç. Gjykata e Apelit Tiranë e ka dënuar atë me 6 muaj burg për veprën penale "Dhuna në familje".
Komisariati i Policisë Nr. 4 arrestoi në flagrancë:
Shtetasin E.S., 30 vjeç, pasi në banesë ka ushtruar dhunë fizike ndaj vëllait të tij.
Shtetasin F.L., 54 vjeç, pasi ka ushtruar dhunë fizike dhe psikologjike ndaj bashkëshortes së tij.
Komisariati i Policisë Nr. 5 arrestoi në flagrancë:
Shtetasin H.V., 40 vjeç, për ushtrim dhune psikologjike ndaj bashkëshortes së tij, e cila kishte urdhër mbrojtjeje.
Shtetasin E.B., 39 vjeç, pasi ka ushtruar dhunë fizike dhe psikologjike ndaj bashkëshortes së tij.
Policia bën thirrje qytetarëve të raportojnë çdo rast dhune në familje përmes numrit të emergjencës 112 ose aplikacionit "Komisariati Dixhital".
