Kanë dalë detaje të tjera në lidhje me ngjarjen e rëndë të regjistruar në Shkodër mesditën e së premtes. Mësohet se Prokuroria dhe policia vendore e Shkodrës kanë arritur që të verifikojnë targën e automjetit tip benz nga ku u krye vrasja e shtetasit Elis Rroshkodoli një ditë më parë.
Targat e automjetit me të cilën autorët lëvizen duke kryer krimin e rëndë rezulton e vjedhur në Malin e Zi në datën 5 gusht të këtij viti. Pronari i automjetit në Malin e Zi ka denoncuar vjedhjen e targës.
Policia vijon hetimet për zbardhjen e plotë të vrasjes së shtetasit Elis Rroshkodoli që u qëllua me 18 plumba një ditë më parë në unazën perëndimore të Shkodrës teksa po pinte kafe i vetëm në lokal.
