Deputeti socialist Agron Çela është pyetur në SPAK për afro një orë.
Burime për VNA.al bëjnë me dije se Çela ka qenë i thirrur për një përplasje që mësohet të ketë ndodhur në një lokal. Nuk dihen shumë detaje për ngjarjen, por kjo mësohet të jetë arsyeja.
Kujtojmë se deputeti i PS ka qenë në nëntor të vitit të shkuar në SPAK, i cili ishte thirrur për t’u pyetur për dosjen CEZ-DIA.
Agron Çela ka qenë ish-deputet i LSI dhe në zgjedhjet e 2021-it kaloi në Partinë Socialiste ku u zgjodh deputet i Shkodrës.
