Në një prononcim për mediat nga Kotori, kryeministri, Edi Rama, para kthimit nga Samiti Rajonal i Ballkanit Perëndimor me BE, foli për deklaratën e Aleksandër Vulin.
Rama u përgjigj duke thënë se pas të 40-ve sicili mban përgjegjësi për fytyrën e tij.
“Një njëri i mençur ka thënë se pas të 40-ve cdo njëri mban përgjegjësi për fytyrën që ka dhe nëse shikoni fytyrën e personit që e ka thënë, mendoj se nuk meriton asnjë koment” – tha Rama.
Në lidhje me tubimin dhe për emocionet që përjetoi, Rama tha se i vjen keq vetëm përpjekjen absurde për të cilësua takimin si takim të bërë me autobusët e administratës.
“E vetmja gjë që më vjen keq është përpjekja absurde për ta projektuar në sytë e atyre që duan të besojnë cdo lloj marrëzie, por jo të vërtetën për arsye politike, atë vallë kuqezi në zemër të Athinë, si një takim të bërë më autobusët e administratës. Ne vjen keq se lëndohet, dinjiteti, sedra dhe zemra e të gjithë atyre që kishin ardhur atje. Aty erdhën persona që nuk kishin fare lidhje me politikën, madje edhe persona që ishin të njohur se i përkisnin palëve të tjera politike. Ai takim do të mbetet gjithmonë në mendjen time si një moment i jashtëzakonshëm shqiptarie” – tha Rama.
