Konferenca Ipeshkvnore e Shqipërisë i është bashkuar reagimit të Konferencës Ipeshkvnore të Francës, ku përmes një deklarate kanë cilësuar blasfemi parodizimin e Darkës së Fundit, të Leanardo da Vinçit. “Kjo ceremoni për fat të keq përfshinte skena në të cilat krishtërimi u tall dhe për të cilat na vjen shumë keq”, thuhet në deklaratë. Imzof Vincenzo Paglia, President i Akademisë Papnore për Jetën, duke folur për ceremoninë dhe duke komentuar këtë keqardhje e Ipeshkvinjve Francese, ka thënë se: “Liria, barazia dhe vëllazëria” (liberté, egalité dhe fraternité): ky ideal i lartë është njollosur nga një tallje blasfemike e një prej momenteve me të shenita të krishtërimit”. Shfaqja ka shkaktuar kritika edhe në rrjetet sociale duke e cilësuar si; provokim, tallje e deri në antikrishtërim.
