Burime të konfirmuara të VNA bëjnë me dije se oficerë të BKH në bashkëpunim me oficerë të policisë zvicerane, kanë kryer kontrolle në shtëpinë ku qëndron Arben Ahmetaj. Ky i fundit ndodhet në pritje të procedurave të azilkërkuesit.
Arben Ahmetaj u shpall në kërkim ndërkombëtar në 24 korrik të vitit të kaluar. Pas konfirmimit për mosgjetjen e tij brenda vendit, SPAK dërgoi shkresë Interpol Tiranës për kërkimin e tij jashtë Shqipërisë.
Bashkë me të u shpallën në kërkim ndërkombëtar dhe pronarët e kompanive fituese të tenderave të inceneratorëve, Stela Gugallja, Mirel Mertiri dhe Klodian Zoto, vendndodhja e të cilëve nuk dihet.
Gjatë një interviste televizive Ahmetaj pranoi se ishte në pritje te procedurave për azil në Zvicër ndërsa nuk bëhet e ditur nëse ai është gjendur në banesë në kohën që policia zvicerane dhe oficerët e BKH kanë kryer kontrollin.
