Drejtori i Ujësjellësit të Tiranës, Elton Kacidhja, ka dhënë dorëheqjen. Burime të besueshme për VNA bëjnë me dije se mbrëmë ai ka dorëzuar dorëheqjen për shkak se është pjesë e hetimit të dosjes së inceneratorëve.
Ai mbante postin e drejtorit të ujësjellësit dhe prej kohësh përflitej se emri tij ndodhej në dosjen hetimore. Një nga arsyet e dorëheqjes është standarti që është vendosur së fundmi që drejtues institucionesh të hetohen si “ish drejtues” në momentin që merren të pandehur nga SPAK.
Gjithashtu Elton Kacidhja është akuzuar se i ka dhënë tenderin e e matësave të ujit Klodian Zotos, ku ky i fundit del se është një nga 2 pronarët të inceneratorit të Tiranës. Kacidhja është kurbani i radhës i vartësve të Veliajt në Bashkinë e Tiranës për aferën me inceneratorin e Tiranës.
Kujtojmë se më herët për këtë çështje janë arrestuar ish drejtues në Bashkinë e Tiranës, si Redi Molla, i cili ka qenë në krye të shoqërisë “ujësjellës Kanalizime”, dhe Maringlen Qato, deri para disa kohësh në krye të Inspektoriatit të Mbrojtjes së Territorit. Gjithashtu vet kryetari i bashkisë, Erion Veliaj, ka qenë i thirrur nga SPAK në datën 30 prill për t’u pyetur për inceneratorin që mori lekë nga buxheti i shtetit por nuk u ndërtua kurrë.
