Për skandalin e nisjes nga porti i Durrësit të kontenierëve me mbetje të rrezikshme për në Tailandë ka reaguar dhe kreu i PD Berisha, dhe pse 5 ditë vonesë nga plasja e skandalit.
Berisha tha se Partia Demokratike e dënon me forcën më të madhe këtë akt kriminale të papërgjegjësisë ekstreme.
PD i bën thirrje OKB-së, i bën thirrje NATO-s dhe OSBE-së në një komision hetimor veças apo të përbashkët, të hetojë gjer në fund aferën e 100 kontenierëve me lëndë toksike të eksportuara nga Shqipëria.
"Të gjendet përmbajtja e tyre dhe kush qëndron mbrapa! Një gjë është e sigurtë, se ato nuk janë ngarkuar kurrë pa dijeninë e plotë të autoritetit portal, Piro Vengut dhe Lubi Ballukut dhe Edi Ramës.
Prapa këtij akti fshihet veprimtari kriminale biznesi e kupolës së narko qeverisë shqiptare.
Iu bëj thirrje shoqërisë civile, aktivistëve, mbrojtësve të mjedisit, të mos lejojnë shkarkimin e tyre në portin e Durrësit, pa dalë të gjithë përgjegjësit e këtij akti të pashembullt, pa zbuluar mirë se kush qëndron prapa këtij akti dhe cilat janë substancat helmuese që përmbajnë kontenierët e eksportuar nga narko qeveria shqiptare." tha Berisha
