- Bëhet fjalë për një vilë në një resort krejt të ri përballë plazhit me mundësi kopshti dhe pishine private. Lajmi është dhënë për median italiane nga burime politike dhe diplomatike në qeverinë shqiptare.
Pas marrëveshjes, mes Italisë dhe Shqipërisë për ngritjen e dy kampeve të emigrantëve në Lezhë, duket se kryeministrja italiane Giorga Meloni ka edhe të tjera synime.
Gazeta “Il Foglio” në një shkrim, sipas saj me burime diplomatike dhe politike në Tiranë, bën me dije, mes të tjerash se Meloni ka vënë syrin një vile më Shqipëri në një zonë bregdetare. Mësohet se vila e Melonit do të jetë me pamje nga deti, e pajisur me pishinë.
Shkrimi i "Il Foglio"-s
“Nëse Silvio Berlusconi bleu vilën “Dy Palmat” në Lampedusa për t'u dhënë një garanci banorëve të ishullit në lidhje me urgjencën e emigrantëve, Giorgia Meloni tërhiqet nga Shqipëria.
Il Foglio flet për këtë, duke përshkruar interesat e kryeministres për prona të paluajtshme në vendin ku po ndërtohen qendrat e pritjes së emigrantëve, me miratimin e presidentit Edi Rama. Meloni është e interesuar për një pronë pranë Palasë, në bashkinë e Himarës, në qarkun e Vlorës. Një zonë që në shkrim cilësohet si shumë afër me Salenton.
Konkretisht, shpjegon Simone Canettieri, është një vilë në një resort krejt të ri përballë plazhit me mundësi kopshti dhe pishine private. Ky lajm është thënë në mënyrë konfidenciale për Il Foglio nga burime politike dhe diplomatike në qeverinë shqiptare.
“Një zgjedhje që “çimenton”, ia vlen të thuhet, marrëdhënien mes Romës dhe Tiranës edhe më shumë. Vitin e kaluar familja Meloni i kaloi pushimet e gushtit në Vlorë”, thuhet mes të tjerash në shkrim.
