Skandal, anijet turistike derdhin ujërat e ndotur, naftë e vaj në brigjet shqiptare
"Në bregdetin e jugut, ku forcat e ushtrisë i janë bashkuar aksionit të punonjësve të bashkive për pastrimin e disa prej plazheve më të frekuentuar gjatë këtij sezoni veror", njofton Balluku. Sot, Zv. Kryeministrja Balluku, Ministri i Mbrojtjes Vëngu dhe Kryetari i Bashkisë Sarandë bën një shëtitje me anije në jug të Shqipërisë, ndërsa i gjithë personeli i bazës detare të Sarandës u përfshi të pastronin Plazhin e Ushtarit. "Me Pirro Thoma Vëngu inspektuam disa prej brigjeve të jugut, ku forcat e armatosura i janë bashkuar punonjësve të Bashkisë Sarandë për pastrimin e vijës bregdetare. ?Deti është aseti ynë më i vyer turistik, ndaj nuk do të ketë asnjë tolerancë ndaj çdo abuzimi apo papërgjegjshmërie. Sipas Ballukut, këto ndërhyrje emergjente do të pasohen me plane e vendimmarrje konkrete me përfundimin e sezonit turistik, ku do të adresojmë çdo problematikë të këtij viti, për ta përmirësuar në vijim. Kjo ka ardhur pas konstatimit që në rivierën shqiptare anijet turistike janë derdhur naftë e vajra. Zv. Kryeministrja Balluku duke komentuar pastrimin e plazhit nga personeli i bazës së Sarandës ndër të tjera tha se "Forcat e Ushtrisë janë një forcë në shërbim të komunitetit, jo një forcë e izoluar. Ashtu siç bëjnë të gjitha vendet e NATO-s".
