Shkëlzen Berisha ka reaguar në lidhje me deklaratat e djeshme të David Packouz i cili në një podcast tregonte se si u lidh kontrata me qeverinë shqiptare me vlerë 300 milionë dollarë për tregtinë e municioneve dhe takimet me zyrtarë shqiptar si dhe me djalin e ish-kryeministrit.
Shkëlzen Berisha i ka konsideruar deklaratat e Packouz si shpifje që risillet nga Rama, ndërsa e mohon që të ketë pasur takime, kontakt apo njohje mes tij dhe Diverolit. Berisha më tej thotë se Diveroli e ka pranuar në gjykatë se ka gënjyer dhe se nuk e ka takuar kurrë.
“Te dashur miq, Ne respekt te opinionit publik me duhet te hedh poshte per te disaten here, nje shpifje qe risillet sa here, kryehajduti i rilindjes kapet me presh ne dore ne vjedhjen e radhes! E perseris qe, ne asnje rast nuk ka patur as takim, as kontakt dhe as njohje, mes meje dhe Diverolit, sic pretendojne shpifesit me pagese dhe gavetat mediatike te Rames qe, perpiqen t’i sherbejne opinionit si pjate te re, nje gjelle te prishur prej 16 vjetesh!
Kesaj here u perpoqen te sillnin si prove per gjoja perfshirjen time ne nje histori mashtrimi podcastin e David Packouz i denuar per mashtrim nga drejtesia e SHBA!
Personi ne fjale ne podcastin e tij nuk pretendon per asnje moment se eshte takuar me mua apo se ka qene deshmitar i ndonje takimi mes meje dhe Efraim Diverolit, por citon si te vetmin burim se cfare ka i thene vete Diveroli para 16 vjetesh!
Nderkohe vete Diveroli (pra burimi i Packouz), para gjykates amerikane dhe nen betim ka pranuar jo vetem qe nuk me ka takuar kurre por qe ka genjyer qellimisht per te marre mbeshtjetje dhe vemendje per biznesin e tij nga diplomate te vendit te tij ne Tirane!
Per analogji eshte njelloj sikur gavetat e Rames t’ju sjellin si fakt deklaratat e Veliajt se Griseldes ja moren vertete femijen e palindur sepse keshtu i tha Rames, ndonese kjo e fundit para drejtesise ka pranuar qe ka shpikur e mashtruar!
Bashkangjitur deklaraten e Diverolit (origjinal dhe te perkthyer ne shqip) ne gjyq ku pranon publikisht se ka genjyer dhe se nuk me ka takuar kurre!” – shkruan Shkëlzen Berisha në facebook.
Kujtojmë se ditën e djeshme David Packouz, në një intervistë të gjatë në Podcast-in “Connect”, ka folur dhe për kontratën që ai dhe ortaku i tij Efraim Diverolit lidhën me qeverinë shqiptare për tregëtinë e municioneve. Ndër të tjera, ai përmend dhe takimet për kontratën 300 milionë dollarë me zyrtarë të lartë shqiptarë si dhe me djalin e ish-kryeministrit, Sali Berisha.
