Një ngjarje e pazakontë është regjistruar në orët e para të mëngjesit të 4 shkurtit 2025 në Institucionin e Ekzekutimit të Vendimeve Penale (IEVP) në Lezhë. Gjatë ndërrimit të turneve dhe kryerjes së apelit, stafi i policisë ka konstatuar mungesën e Daut Hysen Laze, i lindur më 30 gusht 1976 në Çorovodë dhe banues në Tiranë.
Laze ishte arrestuar më 16 nëntor 2021 dhe, sipas vendimit nr. 528 të Gjykatës së Shkallës së Parë të Juridiksionit të Përgjithshëm Tiranë, të datës 4 nëntor 2024, ai ishte i detyruar të kryente mjekim të detyruar në një institucion mjekësor, në bazë të nenit 46 të Kodit Penal.
Njoftimi paraprak:
_Më datë 4 shkurt 2025, në orët e para të mëngjesit, gjatë ndërrimit të turneve dhe kryerjes së apelit në IEVP Lezhë, është konstatuar mungesa e pacientit Daut Hysen Laze, i lindur më 30 gusht 1976 në Çorovodë dhe banues në Tiranë.
Ai ishte arrestuar më 16 nëntor 2021. Me vendimin nr. 528, akti datë 4 nëntor 2024, Gjykata e Shkallës së Parë të Juridiksionit të Përgjithshëm Tiranë kishte vendosur ndaj tij masën mjekësore “Mjekim i detyruar në një institucion mjekësor”, sipas nenit 46 të Kodit Penal.
Pas kontrollit të menjëhershëm nga stafi i policisë në institucion, është vërejtur se ky shtetas me mjekim të detyruar ka shfrytëzuar hapësirat e mundshme të cilat janë në parametrat e institucionit të posaçëm mjekësor për tu larguar nga rrethimi i institucionit.
Aktualisht, po analizohen pamjet e kamerave për të zbardhur dinamikën e plotë të ngjarjes.
Për ngjarjen është njoftuar SHKBB dhe po punohet intensivisht në bashkëpunim me strukturat e policisë për kapjen e tij._
