Prokuroria e Posaçme kërkoi dënimin me 5 vite burg për Alqi Bllakon, ish-deputetin socialist, i akuzuar për korrupsion në aferën e inceneratorit të Tiranës. Si dënim plotësues, SPAK kërkoi edhe ndalimin e ushtrimit të funksioneve publike për 5 vite të tjera.
Ish-deputeti po gjykohet në një proces të veçuar nga të pandehurit e tjerë, mes të cilëve ndodhet edhe ish-ministri i Mjedisit, Lefter Koka. Bllako akuzohet se ka përfituar ryshfet nga bosët e inceneratorit të Tiranës, Mirel Mërtiri dhe Klodian Zoto, të cilët janë shpallur në kërkim ndërkombëtar për akuza të rënda.
