SPAK vijon goditjen ndaj organizatës kriminale famëkeqe të drejtuar nga vëllezërit Franc e Hdjar Copja, të cilët akuzohen se kanë urdhëruar një seri vrasjesh, si dhe për pastrim të miliona eurove të trafikut të kokainës. Pasi iu sekuestruar 10 mln euro kriptomonedha, vila, komplekse luksoze, llogari bankare dhe ferma, SPAK ka vendosur sekuestron e radhës edhe mbi një vile private luksoze, në Elbasan”.
“Objekt i sekuestrimit ështe një vilë private, me 2 (dy) kate banimi, një tarracë e hapur mbi katin e dytë të banimit, një kat nëntokë, i përshtatur për palestër dhe i pajisur me vegla palestre, një oborr dhe lulishte në pjesën e përparme të godinës së banimit, verandë dhe lulishte në pjesën e pasme të godinës së banimit, si dhe një garazh i hapur nëpërmjet të cilit kalohej në një ndërtesë 1-katëshe, e përshtatur dhe e mobiluar me pajisje zyre. Kati i parë i banimit përbëhej nga një garazh i mbyllur, një dhomë pritjeje, një kuzhinë, si dhe një dhomë gjumi – ambiente plotësisht të mobiluara. Kati i dytë i banimit, përbëhej nga dy dhoma gjumi, secila me garderobë të veçuar dhe këto hapësira plotësisht të mobiluara”, njoftoi SPAK.
Organizata Copja është në përplasje të ashper me klanin kriminal të Erjon Alibej i njohur si Krymi dhe nga konflikti mes tyre janë të paktën 13 të vrarë.
