2024 solli fundin e disa prej marrëdhënieve më të njohura në botën e showbiz-it dhe politikës shqiptare. Çiftet që për vite me radhë ishin simbol i dashurisë dhe partneritetit, kanë vendosur të ndjekin rrugë të ndara, duke habitur publikun dhe fansat e tyre.
Ndarjet në showbiz
• Ledri Vula dhe Sara Hoxha: Reperi i njohur dhe partnerja e tij, Sara, kanë vendosur t’i japin fund marrëdhënies së tyre. Thashethemet për një lidhje mes Ledrit dhe modeles Rina Zaiti u pasuan nga fshirja e njëri-tjetrit nga Instagrami.
• Besi Kallaku dhe Xhensila Myrtezaj: Pas shumë viteve martesë, aktori dhe këngëtarja kanë ndarë rrugët e tyre. Besi pranoi i pari publikisht se tashmë jeton larg fëmijëve të tij, të cilët qëndrojnë me Xhensilën. Ky lajm trishtoi fansat e çiftit që i kishin parë si një ndër çiftet më të dashur të skenës shqiptare.
• Enada Hoxha dhe Gerd Vaso: Çifti legjendar i baletit ka qenë për një kohë të gjatë simbol i elegancës dhe harmonisë. Megjithatë, lajmet për ndarjen e tyre pas një martese të gjatë kanë bërë bujë, duke lënë publikun të zhgënjyer.
• Leka Zogu II dhe Elia Zaharia i kanë dhënë fund edhe zyrtarisht martësës së tyre gati 8 vjeçare, pas konflikteve të muajve të fundit që arriti kulmin me akuza të ndërsjellta për dhunë në familje pas publikimi të një videoje në Pallantin Mbretëror.
• Heidi dhe Romeo nga “Big Brother”: Romanca që nisi në shtëpinë më të famshme të Shqipërisë përfundoi pak muaj pas përfundimit të reality show-t. Çifti nuk është parë më bashkë dhe kanë ndërprerë çdo ndërveprim publik, duke konfirmuar kështu ndarjen.
Ndarjet në politikë
Edhe politika shqiptare nuk i shpëtoi këtij viti të trazuar.
• Ilir Meta dhe Monika Kryemadhi: Pas 30 vitesh martesë dhe një partneriteti të gjatë si bashkëshortë dhe bashkëpunëtorë politikë, ish-presidenti Ilir Meta dhe Monika Kryemadhi njoftuan divorcin e tyre. Shkak për ndarjen, sipas Metës, u bënë mosmarrëveshjet dhe tensionet e shumta, të cilat çuan në këtë vendim të vështirë.
