Dëmi i shkaktuar nga zjarri në Urgjencën Kombëtare të Qendrës Spitalore Universitare arrin në 30 milionë lekë të reja.
Kjo është shifra e përcaktuar nga ekspertët e Universitetit Politeknik, të cilët tashmë kanë përfunduar aktin ekspertizës dhe e kanë dorëzuar atë në Prokurori.
Zjarri në Urgjencën Kombëtare ndodhi në prill të vitit 2024. Për fat të mirë, nuk pati dëme në njerëz. Hetimet paraprake tregojnë se zjarri u shkaktua nga mbinxehja e baterisë së pajisjeve mjekësore.
Prokuroria e Tiranës po heton rastin prej muajsh, por deri më tani nuk ka ndaluar asnjë person dhe nuk ka ngritur akuza penale.
