Policia zbardh sulmin ndaj avokatit Sokol Mëngjesi. Janë identifikuar 4 autorë, 3 prej tyre kanë kryer sulmin, njëri ka shërbyer për transportimin e autorëve. Organizator i këtij sulmi dhe urdhërues sipas policisë është Dritan Jani Nano.
Autorë të sulmit janë Elton Kasaj, Drivald Alia, dhe Dorian Alia dhe Romario Tabaku, i ka transportuar me makinë.
"Nga veprimet rezulton se Sokol Mëngjesi me profesion avokat është goditur për shkak të detyrës. Avokati ka përfaqësuar ligjërisht në një proces gjyqësor një familje që kishte të trashëguar një pronë në Tiranë, proces që është fituar nga pala që mbronte avokati. Ish-klientët nuk kanë pranuar që ta paguajnë.
Pala fituese nuk ka respektuar detyrimet kontraktore që ka pasur me studion ligjore. Jo e gjithë pala, por disa nga kontraktorët.
Vijon operacioni për lokalizimin e autorëve të shpallur në kërkim. 20 mijë euro për ato që japin informacion për vendndodhjen e autorëve tashmë të shapllur në kërkim." tha Tonin Vocaj
Tre nga autorët janë në kërkim, ndërsa Dorian Alia është vetëdorëzuar.
