Policia e Fierit arreston një të dyshuar si bashkëpunëtor të Emalinda Ramës, e cila vrau babain e saj, Anesti Rama, në banesën e tyre në Frashër të Fierit. Çlirim Dogani dyshohet se ka bashkëpunuar me 26-vjeçaren për të kryer krimin makabër. Anesti Rama u vra përmes strangulimit me tel dhe ngjarja u tentua të fshihej nga Emalinda dhe nëna e saj, si aksidentale.
Pas arrestimit të vajzës dhe nënës së saj, policia ka mundur të identifikojë dhe 55-vjeçarin si bashkëpunëtor në krim.
Fier
Punë e pandërprerë hetimore për zbardhjen e plotë të rrethanave të ngjarjes së ndodhur në fshatin Frashër, ku shtetasja E. R. vrau për motive të dobëta babanë e saj.
Vihet në pranga bashkëpunëtori i 26-vjeçares.
Në vijim të hetimeve të kryera me qëllim dokumentimin e plotë të rrethanave të ngjarjes, specialistët e Seksionit për Hetimin e Krimeve Kundër Personit të Drejtorisë Vendore të Policisë Fier bënë ndalimin e shtetasit Ç. D., 55 vjeç, banues në fshatin Arapaj, Roskovec.
Nga kryerja e hetimeve dyshohet se ky shtetas ka bashkëpunuar me shtetasen E. R., në vrasjen e babait të saj nëpërmjet strangulimit (mbytje me tel), si edhe duke përdorur sende të forta dhe mjete prerëse.
Materialet procedurale iu referuan Prokurorisë së Fierit, për veprime të mëtejshme.
