Gjykata e Posaçme kaloi për gjykim dosjen “Buka”, me të pandehur ish-zëvendëskryeministrin Arben Ahmetaj. Ish-zyrtari i lartë do të gjykohet për akuzën e shpërdorimit të detyrës bashkë me disa persona të tjerë, për të cilët do të vijojnë hetimet, pasi nga privatizimi i ish-ndërmarrjes shtetërore dyshohet se i ka shkaktuar dëm buxhetit të shtetit. Ahmetaj akuzohet për korrupsion, pastrim parash dhe fshehje pasurie për aferën e inceneratorëve. Ai ndodhet në arrati dhe aktualisht ka kërkuar azil në Zvicër.
Njoftimi
1. Prokuroria e Posaçme kundër Korrupsionit dhe Krimit të Organizuar me datë
21.12.2023 ka paraqitur pranë Gjykatës kërkesën me objekt: “Dërgimin në gjyq të
çështjes penale nr. 154, viti 2022, në ngarkim të të pandehurit Arben Ahmetaj, i akuzuar
për kryerjen e veprës penale “Shpërdorimi i detyrës” e parashikuar nga neni 248 i
K.Penal”
.
2. Në seancën e datës 25.07.2025 (seanca paraprake), Gjykata e Posaçme e Shkallës së
Parë për Korrupsionin dhe Krimin e Organizuar me trup gjykues të përbërë nga gjyqtari
Erjon Çela, me vendimin nr. 7/34/124, datë 25.07.2025, vendosi:
1. Pranimin e kërkesës së Prokurorisë së Posaçme kundër Korrupsionit dhe Krimit
të Organizuar.
2. Dërgimin për gjykim të procedimit penal nr. 154, i vitit 2022, i Prokurorisë së
Posaçme kundër Korrupsionit dhe Krimit të Organizuar, në ngarkim të të
pandehurit:
- Arben Ahmetaj, i akuzuar për kryerjen e veprës penale “Shpërdorimi i detyrës”
e parashikuar nga neni 248 i K.Penal.
3. Urdhërohet formimi i fashikullit të gjykimit duke përfshirë në të aktet e hetimeve
paraprake dhe aktet e seancës paraprake.
4. Urdhërohet depozitimi i vendimit gjyqësor të dërgimit të çështjes në gjyq së
bashku me fashikullin e gjykimit në sekretarinë e Gjykatës së Posaçme të Shkallës
së Parë për Korrupsionin dhe Krimin e Organizuar, si gjykata kompetente për
gjykimin e çështjes së themelit, brënda dhjetë ditëve nga shpallja e tij.
5. Kundër këtij vendimi nuk lejohet e drejta e ankimit.
