Pasi nuk u arrit konsensus për të ndryshuar sërish Kodin Zgjedhor për votën e diasporës, PD ka paralajmëruar se do të protestojë në çdo formë këtë herë ndaj ambasadave shqiptare kudo në botë.
Kreu i PD, Sali Berisha i ka bërë thirrje emigrantëve që të gjuajnë me vezë dhe domate ambasadat e Shqipërisë kudo që ndodhen.
“Të rrethohen dhe të gjuajnë me vezë dhe domate ambasadat e Shqipërisë në mbarë botën. Kudo që t’i shihni zyrtarët që ligji i ndalon të marrin pjesë në aktivitete, gjuajini me vezë dhe domate,” – tha më tej Sali Berisha.
Kryetari i PD i është rikthyer tezës së mosbindjes civile, këtë herë si mosbindje civile e diasporës.
“Mosbindja civile vazhdon. Diversifikimi i qëndrimeve janë vendimet tona. Ambasadat e narkoshtetit do të kenë ditë të vështira,” – tha Sali Berisha të enjten në mbrëmje gjatë një takimi me drejtuesit politikë të PD-së.
