Individët tatimpagues kalojnë numrin e bizneseve të vogla e të mesme.
Në fund të muajit prill të çdo viti, të gjithë individët që kanë realizuar 2 milion lekë ( të reja) të ardhura, duhet të dorëzojnë Deklaratën Individuale të të Ardhurave Vjetore. Ka 3 vjet që këtë detyrim e kanë dhe individët që janë të dy punësuar, ku për shkak të taksës progresive mund të tatohen më pak te paga e parë. Për të rregulluar këtë padrejtësi, tatimet llogritin shtesën e cila duhet të derdhet në llogarinë e tyre brenda muajit qershor.
Shtimi i kategorisë së të dypunësuarve ka bërë që numri i personave që duhet të regjistrohen si tatimpagues dhe të deklarojnë të ardhurat të jetë 73.790 persona për këtë vit, ndërsa numri në total në regjistrin e tatimeve numri i llogarive të tatimpaguesve indiidë arriti në 106,208 individë që kanë një llogari tatimpaguesi. Për herë të parë numri i individëve po barazon kategorinë e bizneseve të vogla e të mesme 93,709 nga 127,698 biznese aktive.
Sipas të dhënave të administratës tatimore janë 24.224 individë me të ardhura mbi 2 milion lekë dhe 49,566 të tjerë të dypunësuar.
Tatimi mbi të fitimin/ Dominon tatimi i individëve.
Vitin e shkuar tatimet morrën 579 milion euro nga taksa mbi të ardhurat personale, gati 79 milion euro më shumë se në vitin 2022. Bizneset derdhën në buxhetin e shtetit 549 milion euro, duke shënuar dhe ata një rritje me 70 milion euro, e nxitur kryesisht nga tatimi i veçantë për prodhuesit e energjisë elektrike gjatë periudhës së krizës.
Tatimi me peshën më të madhe në këto të ardhura është ai mbi pagat, nga ky hynë 330 milion euro në buxhet, i ndjekur nga dividentët që tërheqin si fitim akisionerët e firmave private me 58 milion euro, tatimi mbi shitjen e pasurive të patundshme nga ku hynë në formë fitimi 54 milion euro dhe tatimi i qirave 48 milion euro.
Viti i shkuar rriti ta ardhurat në buxhet nga tatimi i interesave bankarë për shkak të rritjes së normave të tyre. Nga tërheqja e fitimit bankar të indvidëve që kanë depozita u tërhoqën 160 milion euro nga ku 24 milion shkuan për të paguar taksa.
Dy tatimet me performancën më të dobët janë të tatimi i lojtarëve të lojrave të fatit dhe të drejtat e autorit.
