Deputetja e Partisë Demokratike, Jorida Tabaku, ka shprehur shqetësimin e saj se nuk ka një avancim real në procesin e integrimit të Shqipërisë në Bashkimin Europian. Sipas saj, mungon një debat mbarëkombëtar për këtë çështje, ndërsa theksoi se vendimi për hapjen e negociatave ka ardhur si rezultat i një vendimi gjeopolitik dhe jo si pasojë e reformave të qeverisë.
Tabaku: "Kam ngritur shqetësime në mënyrë të vazhdueshme. Nuk ka një diskutim mbarëkombëtar për procesin e integrimit. PD ka pasur një qëndrim: Marrja e vendimit për hapjen e negociatave dhe diskutimet që po kryhen për grup-kapitujt vijnë si rezultat i vendimit gjeopolitik që është marrë për hapjen e negociatave."
Në një prononcim për mediat, Tabaku u shpreh se PD-ja e ka nisur procesin e integrimit dhe është e bindur se do ta përfundojë atë kur të rikthehet në qeverisje.
