Kreu i bashkisë së Tiranës vijon të reagojë mediat sociale "Facebook" nga qelia e Durrësit, duke sulmuar sërish prokurorin Olsi Dado.
Teksa sulmon prokurorin "Ols Violinës" shkruan se është "i burgosur, por jo i pandehur" dhe se "skuthi më ka hetuar fiks si dikur hetuesit e Enverit me syrin te vrima e çelësit dhe pastaj më ka ngritur akuzë në thertoren e Erjon Kasapit, për gjëra që po i mësoj në burg".
Në postimin e tij, Veliaj vijon këmbëngul se vila në Qerret është e prindërve të bashkëshortes "Ols Violina më bëri mua pronar të shtëpisë së prindërve të Ajolës në Golem, meqë gjeti lodrat e djalit tim çilimi në shtëpinë e gjyshes" .
Dhe sipas tij, kjo pasi prokurori "më paska kapur me shtëpi në dorë nga qelizat e telefonit tim, i cili rezulton të ketë lëshuar sinjal 87 herë në zonën Kavajë, Lekaj, Golem, Harizaj, Mali i Robit, Gosë, Synej, gjatë muajve prill-maj 2023".
Ndaj dhe ai e quan këtë "idiotësi e paska ruajtur si as nën mëngë"-kur në fakt shkruan kryebashkiaku gjatë vitit 2023, unë kam drejtuar fushatën zgjedhore të Partisë Socialiste në Rrogozhinë e Kavajë, (madje, dy herë në Rrogozhinë), në cilësinë e Drejtuesit Politik të Qarkut të Tiranës; dhe në vitin 2024, në po këto bashki, kam drejtuar fushatën e anëtarësimeve të reja në PS".
Në fund mbyll postimin duke çuar mesazh stafit të tij, duke i kujtuar që t'a mbrojnë "Më falni ta mbyll me një përshëndetje vëllazërore të gjithë stafit të Bashkisë së Tiranës" .
