Kryeministri Edi Rama ka reaguar sërish lidhur me arrestimin e kryetarit të Bashkisë së Tiranës, duke theksuar rëndësinë e një sistemi drejtësie të drejtë, profesional dhe demokratik.
Rama u shpreh se qeveria nuk do të tolerojë një sistem drejtësie që, ndonëse i pavarur, nuk respekton standardet e profesionalizmit dhe të drejtave të njeriut. Ai theksoi se pavarësia e institucioneve nuk duhet të shërbejë si justifikim për shkeljen e lirive dhe të drejtave të qytetarëve.
Kryeministri vuri në dukje se është e rëndësishme që hetimet dhe proceset gjyqësore të zhvillohen sipas ligjit, pa abuzime dhe pa përdorimin e paraburgimit si normë standarde.
“Ne kemi hyrë në një fazë të re ku pozicioni kritik ndaj sistemit të drejtësisë është i domosdoshëm për të garantuar një proces të drejtë dhe demokratik,” – tha Rama.
