Makina që u përdor në sulmin ndaj kompanisë CFO Pharma të Nadir Caushollit dyshohet të jetë shkatërruar në një bazë në zonën mes Fushë-Krujës dhe Fushë Kuqes.
Burime nga policia bëjnë me dije se pas sulmit ndaj godinës së kompanisë farmaceutike autorët janë gjurmuar përmes kamerave të sigurisë që udhëtojnë drejt kësaj zone dhe një moment hyjnë në një nga kryqëzimet dhe ska shenjë prej tyre.
Policia ka ushtruar disa kontrolle me shpresën për të gjetur automjetin, por sipas hetuesve nuk ka patur rezultat. Kompania CFO Pharma u sulmua me armë pak ditë më parë, për fat të mirë pa ndonjë viktimë apo të lenduar.
Biznesmeni Nadir Causholli ka pretenduar se sulmi ka ardhur nga konkurrenca, ndërsa policia po heton dhe përfshirjen e tij në fajde.
Burimet konfirmojnë se më herët ndaj Caushollit ka patur një hetim për përfshirje në dhënien e marrjen e fajdeve.
