Thellohet hetimi pasuror për kryetarin e Bashkisë së Tiranës Erjon Veliaj dhe pjesëtarëve të familjes së saj.
Burime pranë SPAK bënë me dije se është kërkuar informacion në Kadastër, për të marrë prej andej informacion në lidhje me të gjitha pasuritë e paluajtshme që zotëron z.Veliaj, bashkëshortja e tij, Ajola Xoxa, vëllai Arbër Veliaj dhe nëna Shqiponja Veliaj. Konfirmohet po ashtu se është kërkuar informacion në Tatime në lidhje me bilancet e dorëzuara nga kompania që zotëron Ajola Xoxa, shërbimet që ajo ka dhënë dhe cdo e dhënë tjetër që i intereson hetimit pasuror. Hetimi pritet të shtrihet dhe jashtë vendit, ku do të verefikohen shpenzimet e udhëtimeve që Veliaj ka bërë përgjatë kohës që drejton Bashkinë e Tiranës, hotelet ku është akomoduar, si dhe verefikim për personat që e shoqëronin. SPAK celi cështje penale të re, pak ditë pasi mori dëshminë e kryebashkiakut Veliaj, në lidhje me aferën e inceneratorit të Tiranës.
