Thellohet skandali me kompaninë 5D e cila sipas hetimeve të derimëtanishme nga SPAK kontrollohet nga ish drejtorët e Bashkisë së Tiranës Mariglen Qato e Redi Molla. Këta të fundit ndodhen nën masën e arrestit me burg për korrupsion e pastrim parash me fondet publike të bashkisë Tiranë. Kompania 5D me administrator Nestor Muhametllarin nga viti 2016-2020, kur Redi Molla ishte drejtor i Ujësjellësit të Tiranës është shpallur fituese në shkelje të rregullave të prokurimit publik në 7 (shtatë) procedura prokurimi që i kishte organizuar Ujësjellësi. Sipas SPAK, në këto tendera dy drejtorët kishin trukuar tenderat në mënyrë që kompania e tyre të shpallej fituese. SPAK i akuzon drejtorët e bashkisë se përfituan tendera me kompaninë e tyre “5D Konstruksion” edhe me ndihmën e Taulant Tushes, kur ky ishte Drejtor i Përgjithshëm të Drejtorisë së Planifikimit të Punëve Publike. Por sipa burimeve të VNA mesohet se kompania 5D fitonte jo vetëm tendera në Bashki, por ka marrë 3 leje ndërtimi për pallate në kryeqytet Leje që mbajnë firmën e kryebashkiakut Erjon Veliaj.
Spak ndërkohë po has vështirësi në hetimin e këtyre fakteve të reja pasi të gjithë apartamentet që kanë ndërtuar ish drektorët e Bashkisë së Tiranes janë shitur dhe blerësit kanë kaluar paratë në llogaritë e kompanisë. Prokuroria e posaçme ndërkohë po vijon hetimet për skandalin e dosjes 5D ku bashkë me abuzimet me tenderat është duke hetuar dhe pasuritë e zyrtarëve të Bashkisë dhe familjarëve të tyre.
