Simone Inzaghi nuk është më trajneri i Interit. Pas humbjes 5-0 në finalen e Ligës së Kampionëve, ai i ka komunikuar klubit vendimin për t’u larguar dhe ka pranuar një ofertë të pasur nga klubi saudit Al-Hilal, të cilit do t’i bashkohet menjëherë për të marrë pjesë në Botërorin për Klube në Miami.
Në një mesazh përshëndetës, Inzaghi falënderoi klubin, lojtarët, drejtuesit dhe tifozët për katër vitet e kaluara, duke theksuar sukseset e arritura: gjashtë trofe, përfshirë titullin kampion me “Yllin e Dytë”, dhe pjesëmarrjen në finalen e Champions-it. Ai u shpreh krenar për rrugëtimin dhe mirënjohës për mbështetjen që mori.
Presidenti Marotta gjithashtu falënderoi Inzaghin për punën dhe sinqeritetin, duke konfirmuar se ndarja ishte vendim i përbashkët dhe i respektueshëm.
