Një konflikt në familje ka përfunduar me dy persona të plagosur pasditen e sotme në Durrës.
Ngjarja ka ndodhur rreth orës 17:00, në lagjen nr. 14, ku 43-vjeçari Xhevat Lala dyshohet se, pas një konflikti me bashkëshorten e tij, 38-vjeçaren Adelina Lala, e ka goditur atë në kokë me thikë.
Gjatë përplasjes mes çiftit është dëmtuar edhe 43-vjeçari, ndërsa të dy bashkëshortët janë transportuar në spital për të marrë ndihmë mjekësore.
Sipas Policisë, të dy ndodhen jashtë rrezikut për jetën.
Grupi hetimor, nën drejtimin e Prokurorisë, po vijon punën për të zbardhur dinamikën e plotë të konfliktit dhe për dokumentimin ligjor të ngjarjes.
