Kasandra Cani një TikTokere e njohur është vënë në pranga nën dyshimet për akuzën e plagosjes së rëndë me dashje. Bëhet fjalë për një ngjarje të ndodhur tek kompleksi Delijorgji në Tiranë.
Policia njoftoi se më datë 20.01.2025, në orën 02:34 të mëngjesit, motrat Esma dhe Xhemile Vërlaku, përkatësisht 22 dhe 24 vjeçe janë paraqitur në ambientet e Komisariatit të Policisë Nr. 2 për kallëzim, për një konflikt që kishin pasur me disa shtetase të tjera në autostradën Tiranë-Durrës, në afërsi të Vorës. Motrat sipas policisë nuk kanë dhënë detaje të tjera mbi personat e përfshirë apo mjetet e përdorura.
Të dyja kanë qëndruar vetëm 4 minuta në komisariat dhe janë larguar. Sic rezultoi nga hetimet pas largimit nga Komisariati, motrat Vërlaku dyshohet se kanë shkuar në banesën e Kasandra Canit, dhe janë konfliktuar fizikisht.
Gjatë këtij konflikti, TikTokerja Cani dyshohet se ka goditur me mjet prerës shtetasen Esma Vërlaku, e cila aktualisht ndodhet në spital, nën kujdesin e mjekëve.
Ndërsa Cani, e cila është shumë e njohur në rrjetin social Tik-tok është vënë në pranga si e dyshuar për plagosje.
