I dërguari i SHBA për misione të posaçme Richard Grenell, ka përsëritur kritikat e tij ndaj kryeministrit të Kosovës, Albin Kurti, vetëm një ditë para zgjedhjeve. Përmes një postimi në rrjetin social “X”, Grenell e ka quajtur Kurtin “delusional” (i shkëputur nga realiteti) dhe ka theksuar se marrëdhëniet mes Kosovës dhe aleatëve ndërkombëtarë nuk kanë qenë kurrë më të dobëta.
Në postimin e tij, Grenell shkruan:
“Delusional.
Marrëdhëniet kurrë nuk kanë qenë më të ulëta. Albin Kurti është dënuar nga administrata e parë e Trump, administrata e Biden, NATO, BE, Ambasada e SHBA-së, Anthony Blinken, etj.”
Grenell ka qenë vazhdimisht kritik ndaj qeverisjes së Kurtit, duke e akuzuar për mungesë besueshmërie dhe përkeqësim të marrëdhënieve me partnerët ndërkombëtarë. Ai gjithashtu ka theksuar më herët se “kompanitë amerikane po zgjerohen në Shqipëri dhe Serbi, por jo në Kosovë për shkak të politikave të Kurtit.”
